منتدي أبناء أبوجلفا
مرحباً بك فى منتداك

أجمل مانظم في خريف البطانة

استعرض الموضوع السابق استعرض الموضوع التالي اذهب الى الأسفل

أجمل مانظم في خريف البطانة

مُساهمة من طرف عبدالله يوسف صديق في الجمعة مارس 22, 2013 1:35 pm

حسب فهمي البسيط لأشعار الدوبيت فإني أعتبر هذه من أجمل ما نظم
*************************

سِمْحَتْ، ومن شَناة الصَّيفـة لونا اندسَّ
وجبَّالِـكْ لِبِس من الخَـدار واتكسَّـى
يا المـَرْدة التَّليني مع الجُمـال في الرسَّة
فوقِكْ زَرْقَـن الرَّزَمِي السحـابو اتمسَّى

*************************

تِعْلِك دودا فوق حقَّاص ضهـورِك خَتَّ
وضُهْرِيكْ صَابَـق السَّارْية وصبيبو انحتَّ
قِبْلِيـكْ ساوَق أم بَرَد البِرَمِّـي سَقطَّـا
جبَّالِك جَبَد كُجَـر السحـاب، واتغتَّى

*************************

خرَّفْـتِ، وطلايْعِـكْ للمراتِـع لفَّـنْ
ضعايْنـِكْ شيَّلَـنْ من المدامِـر، وقفَّنْ
وديانِـك مشَنْ، ليهِـن سبوع ما جفَّن
وقِبْليـكْ تَوَّر الركَمِـي السحابو مَدَفَّنْ

*************************

الحُقُنْ إنْمَلَـنْ،والدَّابي جاتـو فضيحتـو
ومو خاتي إن مرق،ضاقَتْ عليهو فسيحتو
إندشَّ السرِح، كرَفَتْ هواهـو منيحتـو
والمحريـب شَهَـقْ، فتَّـح قزايز ريحتـو

*************************

والعندو راي .. ويعرف أجمل من كدا يدينا ليهو ....
avatar
عبدالله يوسف صديق

عدد المساهمات : 240
تاريخ التسجيل : 14/10/2011
العمر : 49
الموقع : السعودية- جامعة الحدود الشمالية

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى